პიტერ კადერგარდი 1990-იანი წლების დასაწყისიდან ჰელსინგბორგის (შვედეთი) ელექტრონული მუსიკის სცენის აქტიური წევრია. ამ პერიოდში იგი ჩართული იყო სხვადასხვა კოლაბორაციაში და უშვებდა კასეტებს ისეთი ფსევდონიმებით, როგორებიცაა Grodans Fodelsedag, Marchentraum და Mannix System. Rittowski-ს სახელით პირველი ჩანაწერი მან 2004 წელს Borft-ის ლებლზე, Djuring Phonogram-ზე გამოუშვა. ამ ელექტრო-პროექტის გარდა, პიტერი ასევე უკრავს ჯგუფებში Goz Mongo Alliance და Inyurmania.