როგორც იცით, Pro-Ject ავსტრიული ბრენდია, რომელმაც ფირსაკრავების და სხვა HiFi ელექტრონიკის წარმოება 1991 წელს დაიწყო. ყველა მოდელი იქმნება ავსტრიაში, Pro-Ject-ის სუპერ თანამედროვე HQ-ში, ხოლო ქარხანა, სადაც შემდეგ ტექნიკა იწყობა ჩეხეთში მდებარეობს. 30 წლის მანძილზე ეს ბრენდი გადაიქცა უპირობო მსოფლიო ლიდერად ფირსაკრავების წარმოებაში და მისი 50-ზე მეტი სხვადასხვა მოდელი წარმატებით იყიდება მსოფლიოს 180-მდე ქვეყანაში. კომპანიის დამაარსებელი და CEO ჰაინც ლიხტენეგერი ამბობს: „1998 წელს ვიჯექი და ვფიქრობდი ფირსაკრავზე, რომელიც ახალგაზრდა თაობისთვის ანალოგური ხმის განცდას მიიყვანდა high-end-თან მაქსიმალურად ახლოს. მინდოდა შემექმნა თანამედროვე დიზაინი სხვადასხვა ფერში და შემენარჩუნებინა შედარებით დაბალი ფასი“. შედეგად შეიქმნა ფირსაკრავი The Debut – HiFi-ს ისტორიაში, ყველა ბრენდის ყველა აითემს შორის ყველაზე გაყიდვადი ერთეული (20 წლის განმავლობაში 1 000 000-ზე მეტი ასეთი ფირსაკრავი გაიყიდა). ამ მოდელმა ანალოგური მუსიკის მოსმენა უფრო მოდური და ხელმისაწვდომი გახადა. Pro-Ject-ის სტრატეგია იყო, რომ ეს ფირსაკრავი იგივე საფასო კლასში მყოფ ნებისმიერ სხვა ფირსაკრავზე ბევრად უფრო კარგი ყოფილიყო. The Debut მუდმივად უმჯობესდებოდა და გვიან 2000-იანებში Debut Carbon გამოვიდა - ფირსაკრავი რომელის ძალიან პრემიალური მასალისგან შეიქმნა, ჰქონდა კარბონის ტონარმი, მოყვებოდა 100 ევროიანი კარტრიჯი და მაღალი ხარისხის აუდიო კაბელი. იმ დროისთვის ყველაფერი ეს იყო სრულიად წარმოუდგენელი კონკურენტების თვალში. ის რაც Debut-მა ევროპაში გააკეთა, Debut Carbon-მა ამერიკაში შეძლო - ანალოგური მუსიკის ტალღის აგორებას შეუწყო ხელი. ამერიკას დანარჩენი მსოფლიო აჰყვა და შედეგად დღეს, ფირფიტის ანალოგური ხმა მუსიკის ნებისმიერი მოყვარულისთვის ბენჩმარკად ითვლება. და მაინც - კონკრეტულად რითი ჯობია Pro-Ject Debut Carbon კონკურენტების მიერ წარმოებულ ნებისმიერ სხვა ფირსაკრავს იგივე საფასო კატეგორიაში? ამ ფირსაკრავს აქვს: - კარბონის ტონარმი (ერთიანად ჩამოსხმული, გადაბმების გარეშე) - სხვა ფირსაკრავები უმეტესად ალუმინის ან პლასტიკის ტონარმს იყენებენ, ან კარბონის დეტალები რამდენჯერმეა გადაბმული ერთმანეთთან. - 100 ევროიანი კარტრიჯი (Ortofon 2M Red) - სხვები მაქსიმუმ 30 ევროიან ან კიდევ უფრო იაფიან კარტრიჯს აყოლებენ ფირსაკრავს. - ნადმვილი ხე ან MDF-ის დაფა რომელიც 8 ფენა lacquer-ით მუშავდება - სხვების იაფასიანი პლასტიკი ან ნაწილობრივი ხე პლასტიკის ჩანართებით ახლოსაც ვერ მოვა. - ძრავის საკიდი - სხვები ჭანჭიკით ან კიდევ უარესი - წებოთი ემაგრებიან პირდაპირ დაფას. - 1,2 კილოგრამი სიმძიმის მქონე ფლეთერი 300 გრამიანი ფლეთერების საპირწონედ. - დენის გენერაციის დაფა, რომელიც მოტორს უსუფთავეს ენერგიას აწვდის, რაც მოტორის სიჩქარეს მაქსიმალურად სტაბილურს ხდის - დანარჩენი მოტორები, ყოველგვარი დამატებითი ნაწილების გარეშე, დენს პირდაპირ შტეფსელიდან იღებენ. - phono კაბელი მაღალი ხარისხისაა - განსხვავებით სხვა ფირსაკრავებისგან, რომლებიც იაფი ღირებულების ყველაზე უბრალო phono კაბელს იყენებენ.   ახლა კი მთავარი - Debut სერიის უახლესი წევრი Debut Carbon Evo, რომელმაც მზის სინათლე 2020 წელს იხილა და რომელიც ფირსაკრავების ინდუსტრიაში წლის მთავარი სალაპარაკო თემაა. რითი არის უკეთესი ის ისედაც საუკეთესო Debut Carbon-ზე? 1. ახალი ფლეთერი - მართალია ძველი ფლეთერიც საკმაოდ მძიმე იყო, მაგრამ ეს უფრო მძიმეა და რაც მთავარია - TPE (thermoplastic elastomer) ტექნოლოგია მუშაობის ხმას სრულიად ახშობს და სტაბილურ სიჩქარესთან ერთად, ბევრად უკეთესი wow და flutter-საც ვიღებთ.   2. სიმაღლის რეგულაციის ფეხები - იდეალური სისწორის გარდა უკეთესი სტაბილურობისთვის და მარტივი სეტაპისთვის. ხომ იცით - ზედაპირის თარაზოში სისწორე high-end ხმისთვის ძალიან მნიშვნელოვანია.   3. მოტორის საკიდი - ყველა მოტორი ვიბრირებს, შესაბამისად ის უნდა იყოს დაკიდებული, რომ ეს ვიბრაცია არ გადასცეა ფირსაკრავს. წინა საკიდიც ძალიან კარგი იყო, მაგრამ ეს, სენდვიჩური კონსტრუქციების გამო ბევრად უკეთესია - ძვირი მაგრამ უკეთესი.   4. სიჩქარის ელექტრონული კონტროლი (ღილაკით) - სიჩქარის ღილაკით გადართვის საშუალება უფრო და უფრო მოთხოვნადი ხდება, რადგან 45 ბრუნვაზე ჩაწერილი ფირფიტები მეტი და მეტი გამოდის. სიჩქარის ღილაკი დამაგრდა დაფის ქვედა მხარეზე, რომ შენარჩუნდეს ის გადაუტვირთავი ვიზუალური მხარე, რაც Debut Carbon-ს აქვს.   5. ახალი ფერები - Pro-Ject მიჰყვება თანამედროვე ტრენდებს და პრიალა ფერებს დაამატეს გლუვი შავი და თეთრი (შეღებილია გლუვი საღებავით), Ferrari-სავით პრიალა წითელი და ხისფერი ფაქტურაც. გვაქვს ახალი პასტელის ფერებიც - ვერცერთი სხვა ფირსაკრავი იგივე საფასო კატეგორიაში ასეთი ძვირადღირებული საღებავისგან შექმნილ ფერებს ვერ შემოგთავაზებთ. ფერების ასეთი მრავალფეროვნებით, ფირსაკრავს ნებისმიერ ოთახს შეუხამებთ.   გადაწვეტილია, რომ Debut Carbon Evo არ გამოვა Phono, Bluetooth და ა.შ. კონფიგურაციით - პრემიალური ფირსაკრავისთვის მაღალი ხარისხის ასეთი დეტალებია საჭირო, რაც ფასს გაზრდის და შეიძლება ბევრისთვის გამოუსადეგარი იყოს. ამიტომ, თუ Phono ან Bluetooth ფუნქციები გსურთ, შეიძინეთ Pro-Ject-ის დამოუკიდებელი აითემები, რომლებიც ამ კონკრეტულ ფუნქციას შემატებენ თქვენს სეტაპს. მაშ ასე, ახალი Debut Carbon Evo ხარისხიანი ფირსაკრავის სტანდარტის თამასას კიდევ უფრო მაღლა სწევს და მზად არის კიდევ უფრო მეტი ანალოგური მუსიკის მსმენელი გაიჩინოს მომხმარებლად, რადგან „ფასი vs ხარისხი“ მიხედვით, ეს ფირსაკრავი უდაოდ საუკეთესოა მსოფლიოში! შეგახსენებთ რომ Pro-Ject-ის ექსკლუზიური დისტრიბუტორი საქართველოში არის Vodkast Audio, სადაც Pro-Ject-ის სხვა მოდელებთან ერთად, Pro-Ject Debut Carbon Evo-ს შეძენა როგორც ონლაინ (www.vodkast.ge), ასევე ჩვენს ფიზიკურ მაღაზიაში (ნინოშვილის 8, „ფაბრიკის“ ეზო) არის შესაძლებელი. P.S: ფირსაკრავმა უკვე მიიღო საუკეთესო შეფასებები აუდიოფილებისთვის სარწმუნო მსოფლიოს წამყვანი გამოცემებისგან: Discogs - https://blog.discogs.com/en/pro-ject-debut-carbon-evolution-evo/ Whathifi - https://www.whathifi.com/reviews/pro-ject-debut-carbon-evo Wired - https://www.wired.com/review/pro-ject-debut-carbon-evo/ და კიდევ უამრავი სხვა (დაგუგლეთ).   ასევე იხილეთ ფირსაკრავის ვიდეოები: ჰაინც ლიხტენეგერის ვიდეო - https://www.youtube.com/watch?v=YFsGf3tGYSw ფირსაკრავის აწყობის ვიდეო - https://www.youtube.com/watch?v=-ka4oDkvLSc Audio Advice - https://www.youtube.com/watch?v=c1QWg64el-0 Henley Audio - https://www.youtube.com/watch?v=JymSBtGZTBg Gramophone - https://www.youtube.com/watch?v=-BtcGudhvj8 და კიდევ ძალიან ბევრი.